Apeli dënoi Salianjin, Nallbati: Rikthimi në fuqi i Agjitacion dhe Propagandës

Deputeti Bledjon Nallbati ka reaguar lidhur me vendimin e Apelit, që dënon me 1 vit burg ligjvënësin demokrat, Ervin Salianji.

Nallbati tha se vendimi i sotëm ndaj deputetit Salianji nuk është gjë tjetër veçse rikthimi ne fuqi i dënimit për Agjitacion dhe Propagandë.

“Ky është një mesazh i qartë për çdo shqiptar. Kush shan Qeverinë shkon në burg.

Kush guxon të denoncoje vjedhjen, abuzimin, korupsionin, krimin qeveritar, përfshirjen e anëtarëve të qeverisë apo familjarëve të tyre në krimin e organizuar shkon në burg.

Me këtë vendim çdo shqiptari përfshirë këtu: Politikanë, Intelektualë, Gazetarë, Shoqëri Civile, apo Qytetarë ju është thënë se po folët kundër Partisë Shtet e pret burgu”, shprehet Nallbati.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb