Atentati në Vlorë/ Viktima rezulton me identitet të ndryshuar dhe i dënuar për vrasje

41-vjeçari Leartiad Lekaj është personi që mbeti viktimë mbrëmjen e sotme pas një atentati që iu bë në Vlorë.

Burime për Vizion Plus bëjnë me dije se 41-vjeçari, i cili ka ndryshuar edhe mbiemër rezulton se ka qenë më herët i dënuar.

Në dhjetor të vitit 2005, kur njihej si Leartiad Keka, është dënuar së bashku me një person tjetër për kryerjen e veprës penale të vjedhjes me pasojë vdekjen, të kryer në bashkëpunim.

Viktima është qëlluar nga një person i maskuar i cili ka zbritur nga makina dhe ka qëlluar në drejtim të 41-vjeçarit.

Pas ngjarjes së rëndë, policia ka gjetur një Audi të djegur pranë paraburgimit të Vlorës.