Forcimi i bashkëpunimit mes policisë shqiptare dhe autoriteteve italiane me qëllim evidentimin e grupeve kriminale në fushën e trafikut ndërkombëtar të drogës ishin në fokusin e takimit që ministri i Brendshëm, Taulant Balla zhvilloi me antimafian italiane këtë të mërkurë në Romë.
Mes diskutimeve të zhvilluara ishte dhe identifikimi i pasurive të paluajtshme ku grupet kriminale shqiptare investojnë.
Bashkëpunimi me antimafian sipas ministrit të brendshëm do i shërbejë policisë dhe për proçeset e ekstradimit të personave të shumëkërkuar nga drejtësia shqiptare.
Gjatë takimit të zhvilluar, ministri i brendshëm i kërkoi përfaqësuesve të antimafias më tepër vëmendje për drogërat sintetike, me qëllim parandalimin e përhapjes së përdorimit të saj në Europë.
Tv Klan
Të ngjashme