Bayern Munich kthehet në ‘normalitet’, barazon edhe me Freiburgun

Freiburg dhe Bayern Munich kanë barazuar me rezultat 2-2 në kuadër të javës së 24-të në Bundesliga.

Vendasit e nisën më mirë lojën duke rrezikuar dy herë për të shënuar pastaj golin.

Zhvillohej minutan e 12-të e ndeshjes, kur Christian Gunter kaloi në epërsi Freiburgun (1-0).

Pasi pranoi golin, Bayern Munich u hodh në sulm dhe arriti të barazojë shifrat në minutën e 35-të me Mathys Tel për 1-1.

Halbzeit in Freiburg. ⏸️#Packmas in der zweiten Hälfte! 💪#SCFFCB pic.twitter.com/NMBzXLxNu8

— FC Bayern München (@FCBayern) March 1, 2024

Edhe në pjesën e dytë bavarzët ishin më kërkues, duke rrezikuar me Jamal Musialan dhe Harry Kane.

Nuk vonoi shumë dhe erdhi goli, kur Musiala shënoi për 2-1, duke i dhënë shpresë skuadrës për një fitore.

Por si zakonisht në minutat e fundit ra mbrojtja e Bayern Munich dhe Lucas Holer arriti të shënojë për 2-2.

Schluss in Freiburg! pic.twitter.com/K0p0ZDMdUf

— FC Bayern München (@FCBayern) March 1, 2024

Me këtë barazim Bayern Munich ka 54 pikë, shtatë pikë pas Bayer Leverkusen që është lider. /Telegrafi/