Bellingham, Mbappé dhe Vinicius, tani Real Madrid etiketohet si “BMV”…

Nuk kaloi shumë kohë që u gjet një pseudonim për tre yjet e Real Madridit, Jude Bellingham, Kylian Mbappé dhe Vinicius Junior.

Një ditë, pas fitores së kampionëve në fuqi të Europës ndaj Atalanta, për Superkupën e Europës (2-0), shtypi spanjol po përmend “BMV”, për të folur për treshen e yjeve, duke iu referuar markës së makinës gjermane BMW, sponsor i klubit ‘los blancos’.

“BMV” i ofron Madridit titullin e parë ”, njoftoi Marca pas trofeut të ri të Madridit.

Në qershor, AS e përmendi pseudonimin pas ardhjes së Kylian Mbappé në kryeqytetin spanjol. Ky akronim i referohet dy precedentëve që kanë shënuar historinë e futbollit: “BBC”-ja e Realit, e përbërë nga Gareth Bale, Karim Benzema dhe Cristiano Ronaldo, si dhe “MSN” e Lionel Messit, Luis Suarez dhe Neymar te Barça.

Një ndryshim i dukshëm është se “BMV” nuk përcakton treshen sulmuese, pasi ndryshe nga dy të tjerët e mëparshëm, Rodrygo është përjashtuar kështu nga pseudonimi.