Deputeti i PD: Për të qenë pro-amerikan të vërtetë duhet të kemi një Shqipëri demokratike, ku qeveria jep llogari për veprimet e saj
Deputeti i PD, Ervin Salianji e cilëson vizitën e Sekretarit Amerikan të Shtetit, Antony Blinken në Shqipëri ditën e enjte si një tregues të partneritetit mes SHBA dhe Shqipërisë.
Në rrjetet sociale, Salianji shkruan se vizita e Blinken në Tiranë tregon mbështetjen ndaj shqiptarëve, forcimin e marrëdhënieve mes dy vendeve. Deputeti demokrat shprehet se “Mbërritja e Antony Blinken e veçon Tiranën si qendër e rëndësishme në rajon, e pikë kyçe e partneriterit strategjik”.
Ai shkruan se për të forcuar edhe më shumë marrëdhëniet me SHBA, Shqipëria duhet të ngrihet në stadin e një vendi demokratik, ku luftohet korrupsioni, ku zhvillohen zgjedhje të lira dhe të ndershme dhe ku qeveria kontrollohet dhe jep llogari për veprimet e saj.
Klan News
Të ngjashme