Butrint/ Ndërron jetë turistja holandeze, pritet që trupi i pajetë ti nënshtrohet mjekësisë ligjore

Një turiste 70-vjeçare ka ndërruar jetë nga arresti kardiak në Butrint.

Yvone Boer 70 vjeç nga Holanda ishte me një grup turistësh holandeze paraditen e sotme për vizitë në Butrintin Antik.

Kur kanë shkuar lart në Kala atje nuk është ndjerë mirë.

Menjëherë është njoftuar ambulanca ku fillimisht për shpejtësi është dërguar në ambulancën e Ksamilit në urgjencën në Sarandë.

Sipas bluzave të bardha 70 vjeçarja e huaj dyshohet të ketë bërë arrest kardiak, dhe për pasojë ka humbur jetën.

Trupi i pajetë do të transportohet për në Tiranë në mjekësinë  ligjore.

Butrintin Antik tani në pikun e sezonit e vizitojnë rreth 900 turistë të huaj dhe vendas në ditë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb