Chelsea “kursen” Brojën në humbjen me Liverpool

Epërsia e Liverpool ishte e dukshme, pasi tentoi 26 goditje në portën e Bluve të Londrës, një rekord ky, pasi bëhet e para skuadër që arrinë këtë kuotë që prej sezonit 2003-2004 kundër Chelsea. Darwin Nunez nuk arriti të shënojë në këtë përballje, gjithsesi, vendosi një rekord. Uruguajani goditi plot 4 herë shtyllën, për ta dërguar këtë total në 7 gjatë këtij sezoni.

Shenja të mira dha talenti Bradley, i cili në moshën 20 vjeç e 206 ditë asistoi dy herë në një ndeshje të vetme të kampionatit. Për Brojën, tekniku Poketino nuk rezervoi asnjë minutë, duke konfirmuar momentin jo të mirë të 22-vjeçarit shqiptar. Me këtë fitore, Liverpool mban në 5 pikë distancën me Manchester City ndjekës. Kampionët e Anglisë mbajnë ritmin, pas fitores komode 3-1 përballë Bërnli. Julian Alvarez festoi siç duhet ditëlindjen e 24, pasi shënoi dopietë dhe u bë lojtari 10-të në histori që e bën një gjë të tillë. City ka një takim më pak të zhvilluar nga ku do tentojë për të ngushtuar akoma dhe më shumë diferencat në renditje.