Emanuela Rusta e Edjena Kapxhiu tregojnë emocionet e sfidës
Emanuela Rusta dhe Edjena Kapxhiu ishin dy arbitret e para shqiptare, të cilat gjykuan një ndeshje të grupeve në Champions League për femra.
Rusta si kryesore dhe Kapxhiu si asistente e parë debutuan me përballjen Benfica – Barcelona, një ndeshje që pati shumë ritëm e gola dhe përfundoi në barazim 4 – 4.
Një përvojë për tu mbajtur mend gjatë për dyja vajzat, të cilat tregojnë për Tv Klan atë që përjetuan në fushë.
Emanuela Rusta: Kur ke të bësh me ekipe profesioniste bëhet më e lehtë puna jonë, çka do të thotë që prodhojnë futboll shumë të bukur, e luajnë futbollin në atë formë sa që vendimet që mund të jenë në fushë vendimet janë më të lehta.
Edjena Kapxhiu: Nuk kemi patur kontestime, ndeshja ka shkuar shumë mirë me vendime të sakta. Në fund të ndeshje kemi marrë duartrokitje nga i gjithë stadiumi, kështu që besoj që çdo gjë ka shkuar mirë.
Si Emanuela dhe Edjena zbulojnë ambiciet e tyre.
Emanuela Rusta: Arritja më e madhe është që të ngjitem në elitë.
Edjena Kapxhiu: Këto që janë planet më të afërta është Euro 2025, për shkak se jam një nga arbitret që UEFA ka vendosur për t’u përzgjedhur.
Në Shqipëri janë 30 arbitre, ku 2 prej tyre dhe 4 asistente janë me stemë ndërkombëtare.
Disa prej tyre gjykojnë edhe ekipet e meshkujve, duke thyer çdo tabu të futbollit shqiptar.
Tv Klan
Të ngjashme