11 months ago
18
Trajneri i Sassuolos, Alessio Dionisi, beson se paraqitja e ekipit të tij ndaj Juventusit nuk do të jetë e mjaftueshme ndaj Interit nesër: “Ata janë superior, për momentin duken të pandalshëm”, u shpreh tekniku italian.
Sassuolo do të udhëtojë ditën e mërkurë në “Stadio Meazza” për tu përballur me Interin, katër ditë pas fitores me rezultat 4-2 ndaj Juventusit.
“Fitorja na ka ndërgjegjësuar dhe kemi marrë një rezultat të madh kundër një ekipi më të mirë,” tha Dionisi në konferencën për shtyp para ndeshjes.
Sassuolo coach Alessio Dionisi believes the Neroverdi’s performance against Juventus won’t be enough against Inter tomorrow: ‘They are superior, right now they seem unplayable.’ https://t.co/5zVMyQZW3N #Dionisi #InterSassuolo #FCIM #Inter #SerieA #Sassuolo #Juve #Juventus
— Football Italia (@footballitalia) September 26, 2023
“Ne e dimë se çfarë kemi bërë të shtunën dhe ajo nuk do të jetë e mjaftueshme ndaj Interit sepse momentalisht ata janë superior. Ata janë superior karshi të gjithëve. Ne duhet të tentojmë të bëhemi versioni më i mirë i vetvetes, ne e bëmë këtë të shtunën dhe duhet ta bëjmë përsëri nesër ndaj një ekipi që duket i pandalshëm”, vazhdoi tekniku italian.
Tutje, Dionisi tha se është e vështirë që në San Siro të kesh kontrollin e ndeshjes për 90 minuta, si dhe bën thirrje që lojtarët e tij të përsërisin atë që bënë ndaj Juventusit.
“Është e vështirë që të shkosh në San Siro dhe të kesh kontrollin e lojës për 90 minuta. Ne do të kemi mundësitë tona. Unë dua të shoh kurajo në çdo moment të ndeshjes, ne duhet të jemi të vëmendshëm. E bëmë ndaj Juventusit dhe duhet ta bëjmë të njëjtën edhe ndaj Interit. Nuk do të jetë e lehtë sepse ata do të kenë edhe ndihmën e tifozëve. Ata janë të fortë, por ne do të mundohemi”.
Kjo ndeshje do të jetë e rëndësisë së veçantë për Davide Frattesin, i cili pak kohë më parë kompletoi transferimin nga Sassuolo tek Inter në formë huazimi një vjeçar, me obligim të blerjes së kartonit në shkurt të vitit të ardhshëm./Telegrafi/
English (US) ·