“Do shihemi në Bruskel për pak ditë”, Vuçiç konfirmon takimin me Kurtin brenda kësaj jave

Presidenti i Serbisë, Aleksandër Vuçiç ka njoftuar se gjatë ditëve në vijim do të shkojë në Bruksel për bisedime me kryeministrin e Kosovës, Albin Kurti.

“Pas dy-tre ditësh pres që unë dhe Kurti të shkojmë sërish në Bruksel”, tha Vuçiç për Radio Televizionin e Serbisë.

Megjithatë, ai u shpreh se nuk mund të flasë më shumë për takimin, i cili sipas tij është në përputhje me atë që ka diskutuar me diplomatët perëndimorë që ishin të shtunën në Beograd dhe Prishtinë.

“Pas kësaj do të kemi më shumë informacione. Detyra jonë është që ta mbrojmë Serbinë nga të gjitha masat e mundshme, por dhe nga shembja e interesave tona kombëtare dhe shtetërore”, tha Vuçiç.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb