“Duhet të kesh shpatulla shumë të gjera”, Toti: Mjaft e krahasuat Jildiz me Del Pieron

Legjendës së Romës, Françesko Totit, nuk i ka pëlqyer aspak krahasimet që po bëhen talentit turk Kenan Jilidz me legjendën e Italisë, Alesandro Del Piero.

Ish-kapiteti i Romës ka vlerësuar shumë talentin e Jildiz, duke theksuar se është ende herët për ta krahasuar atë me Del Pieron, pasi për të bërë atë që ka bërë legjenda juventine, duhet t’i kesh shpatullat shumë të mëdha.

“Krahasimi nuk i ndihmon aspak Jildizit. Për të bërë atë që ka bërë Del Piero është diçka shumë e vështirë.

Jildiz është një djalë që ka shumë talent dhe unë uroj me gjithë shpirt që ai të bëhet si Del Piero. Megjithatë, numri 10 peshon shumë dhe duhet të kesh supe shumë të gjera për ta mbajtur”, tha Toti.