Dy formacionet e mundshme të Real Madridit nëse trajner emërohet Xabi Alonso

Mediat kanë qenë të mbushura me lajme rreth mundësisë së emërimit të Xabi Alonsos si trajneri i ardhshëm i Real Madridit. Carlo Ancelotti madje e komentoi këtë mundësi.

Nëse Alonso përfundimisht bëhet trajner i Real Madridit, tifozët presin të shohim disa ndryshime të menjëhershme në mënyrën se si do luajnë Los Blancos. Edhe nëse skuadra mbetet e njëjtë.

Nuk është sekret që Alonsos i pëlqen të vendosë ekipin e tij në një formë sulmuese duke ruajtur qëndrueshmërinë e tyre mbrojtëse. Kjo shpjegon pse Bayer Leverkusen ka shënuar tashmë 29 gola këtë sezon, ndërsa ka pranuar vetëm gjashtë.

Formacioni më i mirë i Alonso është 3-4-2-1. Me tre mbrojtës, Alonso përdor dy anësorë të shpejtë, të cilët operojnë edhe si mbrojtës krahu. Në këtë sistem, ai vendos dy mesfushorë mbrojtës për të mbuluar qendrën dhe dy mesfushorë sulmues ose sulmues anësorë. Dhe si rregull i madh, Alonso gjithmonë fillon me numrin 9.

Këtë verë Leverkusen nënshkroi me Victor Boniface, dhe nigeriani ka shënuar thuajse çdo ndeshje.

Në këtë formacion Real Madridi do të ketë tre mbrojtës që mbrojnë portën me Tchouameni dhe Camavinga pak më përpara. Kjo do ta lë skuadrën me pesë lojtarë që mund të sulmojnë kundërshtarët nga çdo anë, duke përfshirë Federico Valverde dhe Fran Garcian si krahë.

Duke marrë parasysh lojtarët që ka Real Madridi tani, Alonso gjithashtu ka të ngjarë të zgjedhë një mbrojtje me katër lojtarë.

Edhe në këtë rast, ai pritet të vendosë dy mesfushorë mbrojtës me Jude Bellingham të vendosur përpara tyre.

Në krahë, Vinicius Jr dhe Valverde ose Rodrygo Goues do të japin gjerësinë. Me këtë formacion, Real Madridi pritet të jetë një forcë e duhur golashënuese. /Telegrafi/