Edona thotë se një nga këngët e ka bërë pa pagesë: Producenti u dashurua në mua dhe u nda me gruan pas dhjetë vitesh

Konkurrentja e Big Brother VIP Kosova 2, Edona James, ka rrëfyer për prapaskenat e një prej këngëve të saj.

Bëhet fjalë për “Lady” që e publikoi rreth tetë vite më parë, për të cilën tha se e ka realizuar pa pagesë.

“Klipin e pata bërë në Zvicër dhe pas 10 vjetësh ishte ndarë gruaja prej tij sepse ai u dashurua në mua”, u shpreh biondja.

Foto: Screenshot/YouTube

Transgjinorja nga Suhareka shtoi: “Këngën e klipin i kam bërë pa paguar asnjë cent”.

Banorët filluan të qeshnin, e më pas gjatë bisedës ka folur edhe për lidhjen me vëllanë e Oliver Kahnit.

Foto: Screenshot/YouTube

“Kam qenë bashkë me vëllanë e Oliver Kahnit, gruaja e tij na zuri në flagrancë. Ajo ka thënë kjo biondinë ma ka prishur mua jetën. Nuk ia kam prishur unë, me zor nuk e kam shti”, kishte theksuar ajo më herët në BBVK.

Edona e ka pranuar gjatë këtij rrugëtimi se ka bërë disa skandale në jetë. /Telegrafi/