Ekzekutohet pranë shtëpisë shqiptari në Greqi/ Zbardhen detajet e para, çfarë dyshon policia

Një shqiptar është ekzekutuar me armë mbrëmjen e kësaj të enjteje në Greqi. Konkretisht ngjarja ka ndodhur në Paleo Faliro, jashtë shtëpisë së tij.

Emri i viktimës nuk është bërë ende me dije, por raportohet se është rreth 60 vjeç. Ai u qëllua me armë zjarri dhe u dërgua me urgjencë në spital, ku ka humbur edhe jetën për shkak të plagëve të marra. Shqiptari ka marrë një plumb në gjoks, ndërsa në vendin ku u krye vrasja janë gjetur të paktën dy gëzhoja të kalibrit 9 mm.

Autorët janë larguar nga vendngjarja, ndërsa policia ka nisur hetimet për identifikimin e tyre, si dhe ka rrethuar zonën. Nga informacionet paraprake, dyshohet se ngjarja ka ndodhur për larje hesapesh, megjithatë pritet të zbardhen më shumë detaje në vijim.