Martin Bardhi është viktima e shkëmbimit të te shtënave me armë zjarri në Rrëshen. Viktima rezulton të jetë liruar nga burgu vetëm pak kohë më parë, pasi u arrestua së bashku me të birin. Ata u akuzuan se tentuan të vrasin me armë zjarri, Saimir Reçin, në mars të këtij viti. Ky i fundit rezulton të jetë nipi i Kastriot Reçit, i ekzekutuar me snajper në janar të vitit 2020.
Policia njofton se ka ngritur pika kontrolli për kapjen e autorëve të atentatit të kësaj të marte, ndërsa ende nuk ka asnjë detaj mbi atentatorët.