Një efektiv i policisë së Shkodrës është plagosur pak më parë nga një 30-vjeçar.
Blutë njoftojnë se patrulla kishte shkuar në banesën e të riut, i cili rezulton me precedentë të mëparshëm penalë, pas njoftimit për një rast të dhunës në familje.
30-vjeçari ka kundërshtuar me dhunë punonjësit e Policisë dhe ka dëmtuar lehtë me thikë, në dorë dhe fytyrë një nga punonjësit e Patrullës.
Në mbështetje të Patrullës së parë kanë shkuar kolegë që ndihmuan në neutralizimin e të riut i cili u shoqërua në spital nga ekipi i urgjencës dhe u shoqërua në komisariat vetëm pasi iu bë një injeksion qetësues.
Shkodër/Informacion paraprak
Rreth orës 20:15, Patrulla e Përgjithshme ka shkuar në lagjen “Guerile”, pasi ka marrë njoftim për një rast dhune në familje.
Në momentin që punonjësit e Policisë kanë shkuar te banesa e shtetasit P. I, 30 vjeç, (person me precedent kriminal), ky shtetas ka kundërshtuar me dhunë punonjësit e Policisë dhe ka dëmtuar lehtë me mjet prerës (thikë), në dorë dhe fytyrë një nga punonjësit e Patrullës së Përgjithshme, Inspektor K. Ç.
Në mbështetje të Patrullës së Përgjithshme ka shkuar dhe një tjetër Patrullë e Përgjithshme duke neutralizuar shtetasin P. I, i cili u shoqërua në spital nga ekipi i urgjencës së spitalit i shoqëruar nga Patrulla e Përgjithshme.
Pas kryerjes së injeksionit qetësues 30-vjeçari është shoqëruar në Komisariatin e Policisë Shkodër për veprime të mëtejshme.
Grupi hetimor nën drejtimin e Prokurorisë po vijon veprimet për sqarimin rrethanave dhe dokumentimin ligjor të rastit.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb