Fansat mendojnë se djali i porsalindur i McGregor është i destinuar për sukses për shkak të emrit që i ka vënë

Superylli i UFC-së, Conor McGregor, e ka bërë të ditur lajmin se është bërë baba për herë të katërt, ndërsa tani ka zbuluar edhe emrin që i ka vënë djalit të tij të porsalindur.

Siç ka bërë të ditur McGregor në Twitter, ai e ka quajtur djalin e tij Mack McGregor, gjë që ka gëzuar fansat e tij, të cilët thonë se djali është i destinuar për sukses për shkak të emrit të zëshëm.

“Emër i bukur. Ai djalë është i destinuar për sukses”, “Mack duket sikur është gati për kategorinë e peshave të lehta”, “Ai tashmë i ka ngritur grushtet, është gati për ring”, “Unë e shoh atë si kampionin e padiskutueshëm të boksit në peshën e rëndë në 2045”, janë disa nga komentet e fansave në Twitter.

Ky është fëmija i katërt i Conor me Dee Devlin, ai ka dy djem të tjerë, Conor Junior dhe Rian, dhe një vajzë, Croia. Më herët për Conor Junior ka thënë se tashmë është duke u stërvitur dhe se tek ai sheh një kampion të ri bote.

Tifozët nuk e kanë parë McGregor brenda kafazit për një kohë shumë të gjatë. Lufta e fundit e irlandezit 35-vjeçar ishte në korrik të vitit 2021, kur ai u mposht nga Dustin Poirier për shkak të një lëndimi të rëndë në këmbë.

Në karrierën e tij, McGregor ka një rekord prej 22 fitoresh dhe 6 humbjeve. Muajt ​​e fundit është paralajmëruar lufta e tij me Michael Chandler, por ende nuk ka një konfirmim zyrtar. Lajmi i fundit është se lufta mund të zhvillohet në vitin 2024. /Telegrafi/

Say hello to Mack McGregor everyone ❤️🙏☘️ pic.twitter.com/pXmAaR29ZJ

— Conor McGregor (@TheNotoriousMMA) December 4, 2023