“Forcat e reja politike kanë shqetësuar Ramën e Berishën”, Baçi: Politikanët populiste nuk durojnë dot të vërtetat

Gazetari Agim Baçi në rubrikën “Opinion” në News24 tha se Kryeministri Edi Rama duke qenë se ka një kohë të gjatë në pushtet, duke u larguar nga realiteti, mund t’i duket e habitshme që ka njerëz që mendojnë ndryshe nga ai.

Baçi tha se Rama shqetësohet sepse forca të reja politike hedhin idetë e tyre, ndërsa shtoi se i shqetësuar është edhe Sali Berisha, kryetar i PD-së, përsa kohë thotë se këto forca apo parti të reja i shërbejnë Kryeministrit.

Baçi tha se përderisa si forcat e reja ashtu edhe opozita thonë se duan largimin e Edi Ramës, atëherë mund të bashkëpunojnë, pavarësisht dallimeve që mund të kenë.

“Lloji i politikës populiste nuk duron dot kur thuhen të vërtetat. Ndaj sot forcat e reja nuk shqetësohen nëse në protesta dalin 300 apo 3 mijë vetë, ndërsa Kryeministri i shqetësuar nga të vërtetat që rrëzojnë propagandën e qeverisë, merret me syzet e Arlind Qorit, duke bullizuar këdo që nuk i pëlqen”, tha Baçi.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb