Forcat izraelite eliminojnë dhjetëra persona të armatosur në qytetin e Gazës

Duke ofruar një përditësim në mëngjes mbi operacionet e saja në Gaza, ushtria thotë se forcat ajrore dhe marina izraelite goditën infrastrukturën e Hamasit në të gjithë Rripin e Gazës.

Forcat e Mbrojtjes së Izraelit (IDF) thonë se në qytetin e Gazës eliminuan dhjetëra militantë gjatë ditës së kaluar në beteja të ndryshme, me ndihmën e forcave ajrore.

Trupat shkatërruan gjithashtu dy ndërtesa të përdorura nga Hamasi në Beit Lahiya në Gazën veriore, ndërsa konfiskuan sasi të mëdha pajisjesh ushtarake duke përfshirë bomba, armë dhe pajisje komunikimi, raporton thetimesofisrael.

Palestinezët raportuan se për sulme të mëdha të tankeve izraelite dhe bombardimet ajrore në Khan Younis në Gazën jugore gjatë natës, dhe sulmet duket se po vazhdojnë këtë mëngjes.

Aeroplanët kryen gjithashtu një seri sulmesh ajrore në kampin Nuseirat në Gaza, sipas mjekëve dhe gazetarëve palestinezë.

Forcat izraelite kanë goditur Khan Younis në përgatitje për një përparim të mëtejshëm të parashikuar në qytetin kryesor jugor, pjesë të të cilit ata pushtuan në fillim të muajit dhjetor. /Telegrafi/

כוחות צה"ל ממשיכים לפעול במרחבי רצועת עזה. הלוחמים מנהלים קרבות עזים מול מחבלים, חיל האוויר תוקף חוליות ותשתיות טרור בהכוונה של הכוחות ולוחמי זרוע הים מסייעים לכוחות המתמרנים ברצועה בתקיפות ואש מהים >> pic.twitter.com/wZdcxKDT8D

— צבא ההגנה לישראל (@idfonline) December 30, 2023