3 months ago
10
TIRANE
Pak ditë pas përurimit, mëngjesin e kësaj të hëne është krijuar një trafik kilometrik mjetesh ne autostradën e re Thumanë-Kashar, pasi sot u aplikua për herë të parë pagesa për makinat.
Këtë mëngjes është testuar sistemi i TOLL-it, por janë krijuar radhë kilometrike të automjeteve në trafik për gati 2 orë.
Për të shmangur këtë situatë trafiku pagesa është hequr dhe automjetet kanë kaluar lirshëm pa ndaluar në traun e kompanisë koncensionare.
Sipas gazetarëve tanë dhe pamjeve që kanë sjellë, radha e mjeteve, e cila i kalonte 10 kilometrat, fillonte nga dalja e autostradës në afërsi të Rinasit e deri në fshatin Larushk.
Shkak i këtij trafiku sipas përdoruesve të rrugës, mendohet të jetë fakti që 2 sportelet e vendosura nga firma koncesionare nuk ishin në gjendje të përballonin fluksin e madh të mjeteve që përshkojnë këtë aks nga veriu në drejtim të Shqipërisë së mesme.
Ndërkohë përdoruesit e rrugës ankohen se çmimi që paguajnë është më i lartë nga ai që deklaroi qeveria, pra nga 2.1 euro që u paralajmërua, shoferët e automjeteve paguajnë 270 lekë të rinj.
Situata e trafikut vijoi gjithë paraditen dhe afër orës 11 situata u zhbllokua, pasi pagesa u hoq përkohësisht, por për qindra përdorues të rrugës shkaktoi vonesë të madhe dhe stres për shkak të pritjes në temperatura të larta.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·