3 months ago
21
Gary Lineker ka shpjeguar arsyen kontroverse se ai do të mbështesë Real Madridin për herë të parë ndonjëherë në finalen e Ligës së Kampionëve sonte (e shtunë) kundër Borussia Dortmundit.
Ish-ylli anglez kaloi tre vjet të karrierës së tij të mbushur me gola duke luajtur për rivalët vdekjeprurës të Realit, Barcelonën, përpara se të kthehej në Angli.
Normalisht, Lineker do të bënte tifo për çdo kundërshtar me të cilin do të përballej 14 herë kampioni evropianë, por jo në këtë rast.
Duke pasur parasysh statusin e dobët të Dortmundit, qëndrimi i Lineker është veçanërisht befasues, por vendimi i klubit gjerman për të konfirmuar një marrëveshje të diskutueshme sponsorizimi me prodhuesin e armëve Rheinmetall, ka ndryshuar mendjen e 63-vjeçarit.
“Hera e parë që do të bëj tifo për Real Madridin në një finale të Ligës së Kampionëve”, shkroi Lineker në platformën X, duke iu përgjigjur deklaratës së Dortmundit.
First time I’ll be cheering for @realmadriden in a Champions League final. 🙄 https://t.co/ZMrkwlVTPx
— Gary Lineker (@GaryLineker) May 31, 2024
Dortmund tha se marrëveshja trevjeçare me Rheinmetall përfshin ‘hapësirë të gjerë reklamimi, të drejta marketingu dhe organizime për ngjarje dhe mikpritje në stadium dhe në terrenet e klubit’ duke filluar nga përgatitja e kësaj jave për finalen e Ligës së Kampionëve.
Rheinmetall po ndërton një fabrikë të re në Gjermaninë veriore për të prodhuar rreth 200,000 predha artilerie në vit, si pjesë e përpjekjeve evropiane për të rritur prodhimin e armëve në sfondin e luftës së Rusisë në Ukrainë. /Telegrafi/
English (US) ·