Gjest i shëmtuar nga tifozët e Atletico Madridit, Nico Williams ndalon lojën në gjysmë për shkak të koreve raciste

Atletico Madridi dhe Athletic Bilbao po luajnë përballë njëra-tjetrës në kuadër të javës së 33-të në elitën e futbollit spanjoll.

Rezultati momental i takimit është 2-1, pasi për vendasit shënoi Rodrigo De Paul në minutën e 15-të, ndërsa për baskët rrugën e golit e gjeti Nico Williams në minutën e 45-të të ndeshjes, para se Angel Correa të shënonte në minutën e 52-të për ta rikthyer avantazhin për Atletico Madridin.

Sidoqoftë, tifozët e Atletico Madridit sërish kanë marrë vëmendjen për shkak të abuzimeve racore ndaj yllit spanjoll Nico Williams.

Williams në fakt e ndaloi ndeshjen në gjysmë për t’i kërkuar gjyqtarit llogari në lidhje me koret raciste që tifozët po i këndonin në stadium.

✊🏾 Nico Williams stopped the game tonight due to racist chants at the Metropolitano.

Few minutes later, Nico scores for Athletic and pointed to the colour of his skin in his celebration.

We’re with you, Nico. ❤️

pic.twitter.com/GRot2ILiqQ

— Fabrizio Romano (@FabrizioRomano) April 27, 2024

Kjo madje shkaktoi edhe reagimin nga ana e lojtarëve të Atletico Madridit, më saktësisht nga Antoine Griezmann dhe Jose Gimenez, të cilët i kërkuan publikut që të qetësoheshin.

Kjo nuk është hera e parë që tifozët e Atletico Madridit marrin vëmendjen për një gjest të tillë, pasi skena të ngjashme kanë ndodhur edhe gjatë derbit të Madridit, ku atje viktimë kishte qenë Vinicius Junior./Telegrafi/

🚨 Nico Williams stops playing to complain to the referee about racist chants from Atletico Madrid fans at Metropolitano. @LNvillaveiran

Pathetic by the fans 🤮 pic.twitter.com/8OlEJyAfYw

— Madrid Zone (@theMadridZone) April 27, 2024