Godin u kërkon të gjithëve të mos nxitohen me formën e Felix te Barcelona

Pas vetëm tre ndeshjesh në periudhën e tij të huazimit në Barcelonë, tifozët dhe ekspertët të gjithë e kanë etiketuar lëvizjen e Joao Felix si një sukses.

Ai duket më mirë me një fanellë Blaugrana dhe madje shënoi golin e tij të parë për klubin tashmë.

Megjithatë, ish-kapiteni i Atletico Madridit, Diego Godin bëri thirrje që të mos nxitohet në ndonjë përfundim ende.

“Nuk kam asgjë kundër Joaos, por nuk mund të flasim për suksesin e tij te Barça pas dy ndeshjeve”, ka thënë fillimisht ai për Cadena Ser.

“Tek Atletico, ai kurrë nuk e kuptoi se çfarë do të thoshte dhoma e zhveshjes. Grupi është mbi çdo individ”.

Mund të ketë disa të vërteta në fjalët e Godin. Në fund të fundit, Felix nuk arriti të impresiononte te Chelsea, pavarësisht një fillimi premtues, ndërsa Diego Simeone nuk e dëshironte rikthimin e tij te Atletico Madrid. /Telegrafi/