Hidhet shorti i ‘Eurovision 2024’, Shqipëria këndon në gjysmëfinalen e dytë

Të mërkurën u zhvillua shorti i gjysmë-finaleve në Malmo. Shorti i gjysmë-finaleve për garën e Eurovisionit të vitit 2024 u mbajt në Malmo, bashkë me një ceremoni ku simboli i qytetit pritës kaloi nga pritësit e mëparshëm në Liverpool tek miqtë suedezë.

Gjysmëfinalja e parë do të mbahet më 7 maj, e dyta më 9 maj dhe finalja e madhe më 11 maj.

Farah Abadi dhe Pernilla Månsson Colt ishin prezantuesit për shortin e gjysmë-finales për ‘Eurovision 2024’. Ebba Adielsson, producenti ekzekutiv i SVT për ESC 2024 tha: “Shorti i gjysmë-finales është një moment kyç në kalendarin vjetor të Eurovisionit dhe diçka që me të vërtetë nis këtë pranverë emocionuese ku do të festojmë muzikën në të gjitha format e saj”.
Kryetarja e Malmos, Katrin Stjernfeldt Jammeh, shtoi: “Malmo është një qytet i ri, i larmishëm dhe globalisht i lidhur. Ne adhurojmë të presim botën këtu, dhe punojmë fort për t’u siguruar që qyteti ynë të mbetet i hapur dhe mikpritës për të gjithë ata që zgjedhin të vizitojnë Malmos për Eurovisionin e këtij viti”.
Shorti i gjysmë-finaleve u transmetua në kanalin zyrtar të Eurovizionit në YouTube dhe, në Mbretërinë e Bashkuar, në BBC 2 dhe në shërbimin e transmetimit të BBC, iPlayer.

Nga shorti i hedhur rezultoi se Shqipëria do të garojë në natën e dytë gjysmëfinale të ‘Eurovision 2024’, në gjysmën e parë të shteteve garuese, të cilat janë plot 16.

https://www.youtube.com/live/Q_-2hMEq5sk?si=dzZ010lgXKEFfdWS

Në rastin konret, Shqipëria ka pasur “fatin e keq” që të jetë në natën ku ka më shumë shtete në konkurrim, pasi në natën e parë janë vetëm 15 shtete garuese – me çka probabileti për të shkuar në finale do të ishte më i madh.

Shqipëria sivjet përfaqësohet në ‘Eurovision’ nga këngëtarja e njohur shqiptare, Besa Kokëdhima, me këngën “Zemrën n’dorë”. /Telegrafi/