I shpallur në kërkim nga Interpol Tirana, arrestohet në Janinë shqiptari

Një shtetas shqiptar i shpallur në kërkim ndërkombëtar nga Interpol Tirana është arrestuar nga policia greke në Janinë.

Shqiptari është ndaluar mëngjesin e djeshëm siç informojnë burime zyrtare. Gjatë kontrollit policor, është zbuluar se ndaj tij kishte një urdhër ndërkombëtar kërkimi nga autoritetet shqiptare për veprën penale “moskallëzim krimi” që parashikon dënim maksimal prej 3 vjet burg.

Dosja në ngarkim të tij i kaloi Prokurorisë për nisjen e procedurave të ekstradimit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb