“I tregonte si bëhej puna, pastaj nuk bëri as gëk as mëk”, Bardhi publikon videon: Kush ia mbylli gojën Ramës për SPAK-un?

Deputeti i PD, Gazment Bardhi është shprehur përmes një postimi në rrjetin social “X” se dikush apo diçka “i ka mbyllur gojën kryeministrit Rama në lidhje me SPAK-un”, teksa e ka shoqëruar postimin me një video të tij.

Bardhi ka postuar një video ku Rama fillimisht i kërkon SPAK të bëjë detyrën, ndërsa më pas shprehet se mbi drejtësinë nuk duhet të ketë ndërhyrje.

Ai shkroi se Rama nga asambleja në asamble i tregonte SPAK-ut vendin dhe si duhet ta bënte detyrën ndërsa më pas shkoi te “mbyllja e gojës pa bërë as gëk, as mëk”.

Kush apo çfarë ia mbylli gojën Edi Ramës për SPAK-un? 🤫 Nga Asamblea në Asamble, kur i tregonte SPAK-ut vendin dhe si duhet ta bënte detyrën tek mbyllja e gojës pa bërë as gëk, as mëk! 👇 pic.twitter.com/mbpE8O2YLX

— Gazment Bardhi (@GazmentBardhi) September 17, 2023

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb