Ish-drejtori i CIA-së: Hamas duhet të shkatërrohet, nuk bën negociata

Ish-drejtori i CIA-së, David Petreaus në një intervistë për Euronews Albania ka folur në lidhje me luftën Izrael-Palestinë që filloi më 7 tetor, ku ka marrë qindra jetë njerëzish, mes tyre dhe fëmijë.

Ai theksoi se Hamas duhet të shkatërrohet ndërsa shtoi se Izraeli duhet të dalë me një plan pas lufte.

Petreaus e cilësoi Hama sis një grup që nuk është në gjendje të bëjë negociata e as të pajtohet.

“Ajo që duket e qartë është se shpërqendrimi nga Hamas pasi Izraeli i kishte krijuar kushtet me forcë ajrore dhe me drone, duhet të shkonin shtëpi më shtëpi në përpjekje për të shkatërruar një armik. Unë bie dakord me lidershipin e Izraelit se Hamas duhet të shkatërrohet. Ky është një grup ekstremist, nuk janë në gjendje për të bërë negociata e as për t’u pajtuar. Ata duhet të shkatërrohen. Izraeli ka diçka të tillë për qëllim. Megjithatë unë mendoj se do ishte mirë nëse Izraeli do të shpallte planin postë konfliktit në mënyrë që duhet të marrë nën kontroll qeverisjen e Gazës. Kjo luftë ka marrë jetë njerëzish të pafajshëm”-tha ai.