‘’Ishim duke hequr dorë nga vula’’, Paloka: Kërkoj meritat për përpjekjet në parti, Berishës i dhanë informacion të gabuar dhe për pak…

Në emisionin ‘’Kjo Javë’’ në News 24, me moderatoren Nisida Tufa ishte i ftuar Kryetari i Këshillit Kombëtar të PD, Edi Paloka.

Ai komentoi situatën e opozitës në vend, teksa thekson se ca merita për bashkimin e PD, i meriton.

Paloka u shpreh se PD ka qenë një objektiv për tu shkatërruar totalisht si parti dhe pretendon se Rama është ai që ka sajuar të gjitha këto, ndërkohë që shprehet se për pak PD do të ishte shpërbërë, por fatmirësisht nuk ndodhi.

Paloka tha se Berishës iu dha informacion i gabuar dhe ai i shpjegoi situatën që të mos të hiqnin dorë nga PD, sepse deptetët mblodhën firma dhe ishin gati të formonin një grup të ri.

Teksa kërkon meritat sipas të cilit i takojnë, Paloka shpreh pakënaqësi dhe thotë se herë pas here ai duhet të kujtojë përpjekjet që ka bërë për PD, sepse të tjerët i harrojnë.

Paloka:

”Rama 12 vite që është në kushtet e arrogantit, unë e kam parë edhe duke ikur me vrap këtë njeriu 2 metra. Ai duket edhe me gazetarët si sillet me ata që lëpihet në studio dhe ata që janë profesionistë.

Thotë dikush ca betejash paskeni bërë ju, ju keni marrë vulën por ju i keni pasur ato?

Por unë them që qëllimi ka qenë që PD të shkrihej dhe kjo ka qenë shumë afër, por ne kemi bërë shumë përpjekje.

Ka pasur një periudhë që ja mbushën mendjen edhe Berishës, por i kishin dhënë një informacion të gabuar dhe isha unë ai që e kundërshtova e ja shpjegova dhe ai më dëgjoi.

Prandaj them që i dua ca merita, sepse i meritoj dhe duhet ti kujtoj sepse i harrojnë.

Deputetët deshën të heqin dorë nga PD dhe donin që të krijonim një grup tjetër, por unë dhe Berisha këmbëngulëm dhe jemi sot këtu ku jemi.

Rama për pak e arriti qëllimin e tij për të shuar fare PD”, tha Paloka:

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb