Ministri i Brendshëm Taulant Balla në prag të festës së ndërrimit të viteve i ka dhuruar çelsat e shtëpisë së re familjes Musai në Levan të Fierit.
Disa muaj më parë kur Katerina 31 vjeçare solli në jetë fëmijën e saj të 10-të, Balla i dha fjalën se familja e saj do të kishte një shtëpi te re me kushte normale për festat e fundvitit.
Përmes një postimi në rrjetin social facebook ministri Balla shkruan se 10 fëmijët e familjes Musai do ta kalojnë natën e vitit të ri në shtëpi te re, ndërsa i uron gjithë shqiptarëve gëzuar vitin e ri 2024.
Postimi i plotë i ministrit Balla:
Levan, Fier📍Kur Katerina 31 vjeçare solli në jetë fëmijën e saj të 10-të, i dhamë fjalën se do të kishte një shtëpi me kushte normale për festat e fundvitit. FJALA U MBAJT! 10 fëmijët e familjes Musai do ta kalojnë natën e vitit të ri🎄🎁 🏠 të gëzuar👏. GËZUAR 2024😍
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb