Joao Felix zbulon se ai pranoi një ulje të konsiderueshme të pagës për t’u transferuar te Barcelona

Joao Felix ka konfirmuar se ai me të vërtetë ka rënë dakord për një ulje të madhe të pagës së tij për t’iu bashkuar Barcelonës në huazim këtë sezon.

Duke folur për gazetën Mundo Deportivo, sulmuesi portugez tregoi se pse e bëri këtë.

“Po, e vërteta është se kam hequr dorë nga një shumë e konsiderueshme parash nga paga ime”, ka thënë fillimisht Felix.

“Por mirë, më duhej një ndryshim, më duhej të shkoja diku ku mund të luaja futbollin tim dhe siç thashë gjithmonë kam menduar se ky do të ishte vendi ideal”.

“Gjërat po shkojnë mirë dhe unë duhej të bëja atë përpjekje për t’u rikthyer në gëzimin e të luajturit”, përfundoi portugezi.

Felix thuhet se do të paguhet vetëm 400 mijë euro nga Barça për të gjithë periudhën e huazimit, me Atletico Madrid që do të paguajë pjesën e mbetur të pagës së tij të reduktuar.

Sulmuesi portugez ka pasur një fillim të mrekullueshëm të karrierës së tij në klubin e tij të ri, duke shënuar tre gola në po aq paraqitje tashmë. /Telegrafi/