Lewandowski synon të arrijë një rekord të ri në sfidën ndaj Royal Antwerp

Robert Lewandowski nuk ka pasur një fillim të mirë të sezonit, por ai ka dhënë shenja se më e mira mund të jetë duke ardhur, veçanërisht gjatë javëve të fundit.

Reprezentuesi polak ka shënuar pesë gola në pesë ndeshjet e fundit për klubin dhe kombëtaren, që do të thotë se ai ka shënuar në tri takimet e fundit për Barcelonën.

Lewandowski do kërkoj ta vazhdojë këtë rekord edhe këtë të martë, ku Barcelona do të jetë nikoqir i Royal Antwerp në ndeshjen e parë të tyre të sezonit në Ligën e Kampionëve.

Katalanasit konsiderohen favorit të padiskutueshëm në këtë takim, andaj 35-vjeçari padyshim që do t’i ketë mundësitë e tij që të futet në listën e realizatorëve.

Nëse ai e bën këtë, do të arrinte një rekord të ri personal.

Lewandowski qëndron momentalisht në kuotën e 99 golave në kompeticione evropiane gjatë karrierës së tij. Goli i radhës, do të thoshte se ai do kapte shifrën e 100 golave, diçka që ai po synon ta arrijë sa më parë./Telegrafi/