“Llumi ka qenë dhe në kohën tuaj, duhen bulldozëra për ta pastruar”/ Debat mes deputetëve në Komisionin e Shëndetësisë për skandalin te Onkologjiku

Në Komisionin për Shëndetësinë dhe Çështjet Sociale, ka pasur diskutime për skandalin te Onkologjiku.

Deputeti i PS Ilir Metaj tha se llumrat në sistemin shëndetësor kanë qenë dhe janë, por se qeveria është aty për të pastruar të keqen në shëndetësi.

Ndërsa, deputeti Tritan Shehu tha se sistemi shëndetësor në vendin tonë ka shumë probleme, që nga fakti që shumë ilaçe nuk rimbursohen.

Ilir Metaj: Llumrat kanë ekzistuar dhe eksiztojnë. Ne jemi këtu për të pastruar llumin. Duhen bulldozëra për të pastruar llumin.

Tritan Shehu: Unë nuk përjashtoj që mes keqbërësve ka dhe mjekë. Keqbërësi më i madh në Shqipëri është kryeministri. Është gjithë hallka e sistemit shëndetësor me probleme. Shumë ilaçe nuk rimbursohen dhe kjo bën që shqiptarët të jenë në kushte barbarie. Sistemi shëndetësor është ndërtuar i tillë, që lë vend për abuzime.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb