Maignan qetëson Milanin

Vizitat mjekësore treguan se portieri francez nuk pësoi dëmtim serioz në sfidën kundër Newcastle

Te Milani ka një ndjesi lehtësimi pas lajmeve pozitive sa i përket portierit Majk Menjo.

Francezi u detyrua që ta linte fushën e lojës në sfidën kundër Njukestëllit në minutën e 80 duke shqetësuar tifozët kuqezinj.

Por pas analizave të hollësishme të kryera, klubi kuqezi njoftoi se 28 vjeçari ka pësuar një goditje në muskujt e kofshës së majtë, që i kanë krijaur një bllokim të lehtë.

Stafi mjekësor sqaroi se nuk ka dëmtime serioze, ndërkohë që gjendja e francezit do të mbahet në monitorim.

Menjo pritet që të mungojë në ndeshjet kundër Veronës dhe Cagliarit, por trajneri Pioli beson se do ta ketë sërish në dispozicion për ndeshjen e rëndësishme kundër Lazios më 30 Shtator.

Francezi në këtë sezon ka luajtur 4 takime në Serie A, ku ka pësuar edhe shtatë gola.

Ndërsa në total ai ka qenë në fushë 441 minuta në të gjitha kompeticionet.

Klan News

Të ngjashme