Manchester United, kërkesa e parë e Amorim është ylli i Juventus-it

Manchester United thuhet se është i interesuar për nënshkrimin e kapitenit të Juventus-it dhe Brazilit, Danilo në merkaton e janarit.

Pas një fillimi të turbullt të sezonit, që e sheh Unitedin aktualisht në vendin e 13-të në Premier League, Erik ten Hag u shkarkua, me trajnerin e Sporting Ruben Amorim që do të marrë vendin e holandezit.

Trajneri portugez do t’i bashkohet klubit më 11 nëntor dhe do të menaxhojë ndeshjen e tij të parë kundër Ipswich pas pushimit ndërkombëtar.

Sipas Juve Live, trajneri i ri Amorim është i interesuar për 33-vjeçarin Danilo, i cili beson se mund të forcojë mbrojtjen e United.

Braziliani mund të luajë si mbrojtës i krahut dhe qendërmbrojtës në mbrojtjen me tre lojtarë, një sistem që Amorim e ka përdorur shpesh në Sporting.

Danilo është një lojtar me përvojë që ka përfaqësuar Porton, Real Madridin dhe rivalët e United, Manchester City.

Kontrata e tij me klubin italian skadon në verën e vitit 2025, gjë që mund ta shtyjë Juventusin ta shesë atë në vend që të rrezikojë ta humbasë me kosto zero verën e ardhshme.