Mbeti i vrarë në atentatin në Shkodër, kush është Hamza Lici

Një prej personave që humbi jetën në ngjarjen e rëndë të ndodhur në Shkodër është Hamza Lici, vëllai i Ibrahim Licit.

Hamza Lici ndodhej në një automjet, bashkë me Arlind Bushatin, kur ndaj tyre është qëlluar me armë zjarri nga një tjetër automjet.

Si pasojë e të shtënave ka humbur jetën Hamza Lici, ndërsa është plagosur rëndë Arlind Bushati, i cili është transportuar drejt spitalit.

Ibrahim Lici njihet si një nga të fortët e Shkodrës, i cili sipas autoriteteve, dyshohet për disa ngjarje të rënda kriminale.

Nuk dihet nëse Hamza Lici ishte objektiv i atentatit, pikërisht për shkak të mbiemrit që mban, apo ka qenë i përfshirë në një tjetër ngjarje.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb