MBi 630 viktima në Marok/ Ky ishte tërmeti më i fortë në historinë e kontinentit afrikan

Mbi 630 persona kanë mbetur të vdekur dhe qindra të tjerë janë plagosur pas një tërmeti të fuqishëm që goditi Marokun, pak para mesnates.

Lëkundjet me magnitudë 6.8 ballë e kishin epiqendrën në një zonë rurale,72 kilometra në jugperëndim të vendit turistik, Marrakesh, qytet i mbrojtur nga Unesco. Lëkundje të forta u ndjenw në disa qytete të tjera bregdetare deri në ishujt Kanarie si dhe nw Algjeri.

Numri i viktimave pritet të rritet ndërsa grupet e kërkim shpëtimit po vijojnë punën.

Mediat vendase raportojnë se numri më i madh i viktimave u shwnua në fshatrat e thellë në malet e Atlasit që janë nga zonat më të goditura nga tërmeti dhe përbëhen kryesisht nga banesa të vjetra.

Por mbërritja deri në këto vende do të jetë e vështirë.

Siç duket nga pamjet, mijëra njerëz dolën të tmerruar nga banesat e tyre dhe e kaluan natën jashtë për shkak të frikës nga paslëkundjet.

Familjet, në ankth qëndruan nëpër rrugë dhe trotuare.

Autoritetet njoftuan se shumë shtëpi janë shembur plotësisht e shumë të tjera janë bërë të pabanueshme, ndërsa energjia elektrike është ndërprerë dhe rrugët janë mbyllur në disa vende.

Mediat raportuan gjithashtu se ky është tërmeti më i fuqishëm që e ka goditur vendin e Afrikës Veriore deri më sot.