Mbyllja e hetimeve për “Partizanin”, reagon Berisha: Akt i paprecedentë! Piramidë mashtrimi e falsifikimi të dokumenteve

Prokuroria e Posaçme ka mbyllur hetimet në lidhje me dosjen Partizani dhe i ka dorëzuar avokatëve të të pandehurve aktet.

Në një deklaratë për mediat, kreu i Partisë Demokratike Sali Berisha, tha se ky ishte një akt i paprecedentë i bazuar në një piramidë mashtrimi e falsifikimi dokumentesh.

Berisha deklaroi se pavarësisht se hetimet zgjatën në kohë, sipas tij asnjë provë nuk është gjetur që inkriminon atë apo dhëndrin e tij.

“Sot Rama, kreu i narkoshtetit Shqiptar, Altini i pyetjes 1 mln euro dhe 3 apartamenteve, ndrikulla e bandave të rrezikshme, dorëzuan avoketërve të mi në mënyrë përfundimtare dosjen për klubin Partizani me akuzën për korrupsion pasiv për mua dhe të njejtën, plus larje parash për dhëndrin tim.
Akt i paprecedentë i bazuar në një piramidë mashtrimi e falsifikimi dokumentesh.
Do të gdhendet në kohë si një nga veprat më të shëmtuara të narkoshtetit në Shqipëri.
Ata që porositën hetimet nuk gjetën asnjë provë e fakt që na fajësonte. Atyre do u mbetet turpi për aktet e tyre”, tha ai.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb