Merkato, Juventus nuk pret më, gati 60 mln € për Koopmeiners

Juventus ka përmirësuar edhe ofertën për mesfushorin Teun Koopmeiners, për të cilin Atalanta kërkon 60 milione euro, ndërsa ‘zonja’ ka shkuar në 59. Edhe në këtë drejtim transferimi duket i kryer, por Atalanta do japë dritën jeshile vetëm kur të arrijë marrëveshjen me mesfushorin Samardzic të Udinese-s, i cili është piketuar si zëvendësuesi i holandezit.

Disi më e ndërlikuar është negociata e Juventusit me Porton për Francisco Cnceicaon, i cili është anësori i dytë i kërkuar nga Thiago Motta. Italianët kanë rritur ofertën e tyre, por ende nuk janë tek pritshmëritë e Portos, që është në urgjencë për të mbledhur para.

Juventus nga ana tjetër këmbëngul shumë për dy anësorë, pasi përfundimisht ka lënë Chiesën jashtë planeve. Ky i fundit është dërguar të stërvitet me lojtarët e tjerë që pritet të lënë klubin, duke i hequr mundësinë të jetë me ekipin e parë.