Ministeriali i Bashkimit Evropian dhe Ballkanit Perëndimor për Drejtësinë, Manja niset drejt Shkupit

Ministri i Drejtësisë, Ulsi Manja, është nisur sot në drejtim të Shkupit, ku nesër do të marrë pjesë në Ministerialin e Bashkimit Evropian dhe Ballkanit Perëndimor për Drejtësinë dhe Çështjet e Brendshme, organizuar nga presidenca spanjolle e BE-së.

Në Ministerial do të diskutohen çështje me rëndësi për BE dhe rajonin siç janë: Shteti i të drejtës, reformat në sistemin e drejtësisë, sfidat dhe masat në rritjen e besimit publik në sistemin e drejtësisë.