Me 77 vota pro, është miratuar sot në Kuvend marrëveshja Shqipëri-Itali për emigrantët. Në kohë rekord, u dhanë kartonët jeshilë edhe për projektligjin e zonave të mbrojtura. Nga rendi i ditës, ashtu siç u raportua më herët, u hoq projektligji për Amnistinë Penale. Kjo sepse socialistët nuk kanë arritur dakordësi me opozitën për të siguruar votat e nevojshme.
“Me 74 vota pro hiqet nga rendi i ditës projektligji për Amnistinë Penale”, tha Nikolla në nisje të seancës plenare.
Ashtu si herët e shkuara edhe seanca e kësaj të Enjteje u shoqërua me zhurmë dhe debate mes palëve politike. Deputetët e PD vijuan me aksionin e tyre duke bllokuar foltoren.
Ajo që ra në sy ishin 3 votat pro të deputetëve të PDIU-së, për të dy projektligjet që u miratuan./tvklan.al
Të ngjashme