7 months ago
4
Asistenti i Kloppit, Pep Ljinders, ka treguar për bisedën që kishte pasur me Jurgen Klopp aty ku tekniku gjerman e kishte bërë të qartë se periudha e tyre në “Anfield” po shkon drejt fundit.
Ljinders ka nënvizuar se Klopp e kishte informuar atë se periudha e tij tek Liverpooli po shkon drejt fundit disa muaj para se plani i tij për largim të bëhej i ditur zyrtarisht.
56-vjeçari tronditi Ligën Premier dhe botën e futbollit në përgjithësi muajin e kalaur, kur ai zbuloi se do të largohet nga Liverpooli gjatë verës. Klopp ka qenë në krye të Liverpoolit për tetë vitë, që prej se iu bashkua atyre në tetor të 2015.
“Askush nuk do ta zëvendësojë Jurgen. Isha i qartë, të jem i sinqertë, kur ne biseduam kohë më parë, për mua ishte e qartë dhe e bëri më të lehtë për mua”, ka thënë Ljinders.
Jurgen Klopp dhe Pep Ljinders“Unë gjithmonë kam pasur oferta dhe zemra ime ka thënë po, por besnikëria ndaj Jurgen ka thënë jo. Kështu që ne u pajtuam që ta mbaronim këtë projekt së bashku dhe kjo është mënyra e duhur për të bërë. Ata do të gjejnë një trajner të ri me ide dhe unë jam i emocionuar për të gjetur klubin e duhur”, u shpreh ai.
Një raportim nga The Telegraph më herët gjatë këtij muaji, nënvizoi se Klopp e di se ekipi i tij ka bërë një progres të madh më herët se sa pritej.
Kjo ka luajtur një rol të madh në planin e tij për largim, pasi raporti ka dalur me teorinë se nëse Liverpooli do të kishte vështirësi këtë sezon, Klopp ndoshta do të kishte vonuar largimin e tij përtej verës së ardhshme.
Tekniku gjerman beson se lojtarët e tij më nuk ia kanë nevojën si më herët do të largohet në fund të sezonit dhe ka mundësinë që aventurën e tij ta mbyll me trofe, pasi janë në ‘luftë’ së bashku me Arsenalin dhe Man Cityn për titullin e Ligës Premier./Telegrafi/
English (US) ·