Ndarja nga jeta e Ismail Kadaresë, reagon Çmimi Ndërkombëtar Booker: Jemi thellësisht të pikëlluar 

Çmimi Ndërkombëtar Booker ka reaguar për ndarjen nga jeta të shkrimtarit të mirënjohur shqiptar Ismail Kadare.

Në reagimin zyrtar ‘Booker Prize’ shkruan se shpreh pikëllimin pas vdekjes së Kadaresë, i cili ë vitin 2005 u bë fituesi inaugurues i Çmimit Ndërkombëtar Booker.

Reagimi i plotë:

Jemi thellësisht të pikëlluar pas vdekjes së Ismail Kadaresë, i cili në vitin 2005 u bë fituesi inaugurues i Çmimit Ndërkombëtar Booker për gjithë veprën e tij. Ai ishte dy herë në listën e gjatë pas kësaj, në vitin 2017 dhe këtë vit.

19 vjet më parë, gjyqtarët e përshkruan atë si “një shkrimtar universal në traditën e tregimit që shkon prapa tek Homeri”. Me rastin e marrjes së çmimit, Kadare tha: “Shpresa ime e fortë është që opinioni europian dhe ai botëror të kuptojë që tani e tutje se ky rajon, të cilit i përket vendi im, Shqipëria, mund të sjellë edhe lloje të tjera lajmesh dhe të jetë shtëpia e llojeve të tjera. të arritjeve, në fushën e arteve, letërsisë dhe qytetërimit.’

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb