Neuer i paduruar për sfidën ndaj Leverkusen, kapiteni beson shumë të fitorja

Bundesliga gjermane do të dhurojë të shtunën një duel të madh. Në “BayArena” Bajer Leverkusen do të përballet me Bajern Mynihun, me të dyja skuadrat që i ndajnë vetëm 2 pikë në renditje. Ky sezon ka qenë perfekt për ekipin e drejtuar nga Ksabi Alonso që nuke njeh humbjen prej 30 takimesh radhazi.

Ndërkohë që kampionët në fuqi kanë pasur luhatjet e tyre. Ekipi i Tomas Tuhel ka vuajtur dëmtimet e shumta, si edhe formën jo të mirë të disa titullarëve. Por portieri Manuel Neuer beson se Bajern është gati për sfidën e vështirë në transfertë.

“Gjithmonë bëhet një lojë shumë interesante në Leverkusen. Unë mendoj se ne bëjmë mirë në këto ndeshje! Te Bayern ne i duam sfidat e mëdha dhe kjo kundër Leverkusen është një sfidë e madhe jashtë shtëpisë në këtë gjysmë të dytë të sezonit. Mund të them vetëm se jam i paduruar që të përballem me këtë kundërshtar. Do të kërkojmë t’i mundim ata atje!”

Për performancën e bërë nga “aspirinat” në këtë sezon, ajo është e treta në histori, ku në 20 takime kanë grumbulluar 52 pikë.

Rekordin e ka vendosur Bajerni i Pep Guardiolës, që në sezonin 2013-2014, pa pësuar asnjë humbje, grumbulloi 56 pikë në 20 javët e para të kampionatit duke shënuar 53 gola e pësuar vetëm 9 të tillë.

Klan News

Të ngjashme