Newcastle shkel rregullat e UEFA-s, rrezikon të ndëshkohet para ndeshjes ndaj Milanit

Newcastle United shkeli rregullat e UEFA-s duke zbritur vonë në Milano për shkak të kushteve të këqija të motit në qytetin italian.

Rregullat e konkurrencës thonë se klubet duhet të mbajnë konferencën e tyre për shtyp para ndeshjes midis orës 12:00 dhe 20:00 me kohën lokale, por Newcastle nuk ishte në gjendje ta përballonte këtë pasi fluturimi i tyre për në Milano u vonua për shkak të stuhive në qytetin italian.

Konferenca për shtyp e trajnerit të Newcastle, Eddie Howe, filloi në orën 21:00 me kohën lokale.

“Është pjesë e kësaj pune. Nuk është diçka shumë jonormale. Ka qenë një problem me kalimin e kohës, por ne kemi qenë tashmë në situata të ngjashme”.

“Është diçka me të cilën jemi mësuar, megjithëse kemi ardhur pak më vonë se sa do të donim. Nuk është një problem i madh”, ka thënë Howe në konferencë për shtyp.

BREAKING: Newcastle have broken UEFA rules after their plane took off two hours and 20 minutes late from Newcastle for their flight to Milan this evening 🛫 🇮🇹 pic.twitter.com/Rm3jKgzJA8

— Sky Sports News (@SkySportsNews) September 18, 2023

Prandaj, Newcastle mund të përballet me sanksione për shkeljen e rregulloreve të UEFA-s, megjithëse ata do të shpresojnë që fakti se ishte jashtë kontrollit të tyre do t’i jepte vetëm një vërejtje.

Ndryshe, Newcastle do të luajë ndeshjen e parë të Ligës së Kampionëve në njëzet vjet këtë të martë kur do të përballet me Milanin në San Siro nga ora 18:45. /Telegrafi/