Një i vdekur dhe dy të plagosur nga të shtënat me armë në një qendër tregtare në Kolorado

Një person ka mbetur i vrarë dhe dy të tjerë janë plagosur rëndë nga të shtënat në një qendër tregtare në Kolorado Springs, Kolorado, në prag të Krishtlindjeve.

Policia e vendit zbuloi se ngjarja nisi nga përleshja e dy grupeve.

Sipas zëdhënësit të policisë, Ira Cronin, përleshja fillimisht dukej si “grindje me grushta”, përpara se të shndërrohej në të shtëna armësh.

Nga incidenti në fjalë një burrë u gjet i vdekur, dy janë plagosur, ndërsa një grua ka marrë lëndime të lehta, përcjell Telegrafi.

Cronin theksoi se, janë arrestuar shumë njerëz, por ende nuk dihet se a është vrasësi në mesin e tyre.

#BREAKING : Gunfire erupts at a Colorado mall on Christmas Eve, one dead, three injured#Colorado #citadelmall #Shooting #Gunfire #Shooter #Christmas2023 #activeshooter pic.twitter.com/1XUzPbSJ4P

— mishikasingh (@mishika_singh) December 25, 2023

“Situata është nën kontroll dhe nuk ka asnjë kërcënim të vazhdueshëm për komunitetin”, tha policia në X.

Qendra tregtare Citadel Mall, është mbyllur për një kohë deri sa njësitë policore e kanë hetuar rastin, por pritet të rihapet së shpejti.

Policia po e heton rastin, dhe po kërkon çdo informacion të mundshëm nga dëshmitarët. /Telegrafi/