2 hours ago
87
Zbardhet deklarata e 41 vjeçarit që plagosi me thikë një ditë me parë ish të dashurën e tij në lagjen nr 4 në Korçë.
Sipas burimeve konfidenciale bëhet e ditur se 41 vjeçari pasi është arrestuar nga policia ka dhënë deklaratën paraprakë në të cilën ka sqaruar se me Mandarina Çelën e datëlindjes 1978 nuk e kishin shkëputur mardhënien.
“Unë pasi mbarova masën e arrestit u largova për në Greqi dhe pasi jam këthyer kam rinisur me Mandarinën mardhënien tonë duke konsumuar biseda telefonike, më pas Mandarina ka dashur ta shkëpusë marrëdhënien tonë gjë që unë nuk pranova dhe në gjaknxehtësi e sipër e kam goditur me thikë”.
Këto kanë qenë fjalët që 41 vjeçari ka rrëfyer përpara policisë së Korçës ndërkohë që do të jenë veprimet e tjera hetimore që do të zbardhin ngjarjen e rëndë.
Manderina Çela u plagos me thikë në zonën midis mjekrës dhe qafës nga Ilir Çami mëngjesin e së mërkurës.
Plaga nuk ka qenë shumë e rëndë dhe aktualisht Çela ndodhet jashtë rrezikut për jetën.
Ndërkohë Ilir Çami pritet të njihet me masën e sigurimit në ditët në vijim.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·