Një tifoz në Angli hyn në fushë dhe konfrontohet me gjyqtarin për një penallti kontroverse në dëm të ekipit të tij

Një tifoz i Port Vales ka hyrë në fushë dhe është konfrontuar me gjyqtarin në ndeshjen në kuadër të League One ndaj Portsmouthit.

Portsmouth vazhdoi me përpjekjet e tyre për promovimin një kategori më lartë duke mposhtur Port Valen me rezultat minimal 1-0.

Mysafirët, në këtë rast Portsmouth, fituan një penallti kontroverse në minutën e 88-të, të cilën e shndërroi në gol Colby Bishop.

Megjithatë, ky vendim i gjyqtarit i la të indinjuar tifozët e Port Vales të cilët protestuan për një faull që nuk u dha për një ndërhyrje në lojtarin Ethan Chislett, pak momente para se Portsmouth të fitonte penalltinë.

A Port Vale fan ran onto the pitch and chased the ref off it, after he gave Portsmouth a late penalty… 😳 pic.twitter.com/5nix3n0f9W

— Football Away Days (@FBAwayDays) January 27, 2024

Teksa stadiumi ‘shpërtheu’ në protestë, një tifoz shkoi aq larg sa që hyri në fushë duke sulmuar në mënyrë të ashpër gjyqtarin Craig Hicks, i cili më pas vrapo drejt zonës teknike për siguri, ndërsa tifozi u neutralizua nga sigurimi që ishte prezent në stadium.

Fitorja në këtë ndeshje për Port Valen ishte e obligueshme për shkak të gjendjes së tyre në tabelë, pasi janë vetëm tri pikë larg zonës së rënies./Telegrafi/