Një ditë pas seancës së zhurmshme plenare, Partia Socialiste ka kërkuar masë disiplinore për dy deputetët demokratë Petrit Doda dhe Edi Paloka. Pritet që vendimi të merret sot në mbledhjen e Sekretariatit në orën 15:30.
Kujtojmë se të Enjten, Edi Paloka hodhi akuza të rënda ndaj kryeministrit Edi Rama duke e krahasuar me Enver Hoxhën. Pasi mbaroi fjalën në foltore ai dogji rregulloren e Kuvendit.
Doda nga ana tjetër, iu “hakërrye” Enkeled Alibeajt me tone të larta e duke i drejtuar gishtin, ndërkohë që ky i fundit qëndronte i ulur në vendin e tij. U desh ndërhyrja e Gardës për ta larguar Dodën nga Alibeaj.
Vlen të theksojmë se në sallën e Kuvendit munguan plot 23 deputetë opozitarë, kjo për shkak të incidenteve që kanë shkaktuar në seancat e shkuara. Edhe kreu i grupit parlamentar Gazment Bardhi është përjashtuar me 10 ditë./tvklan.al
Të ngjashme