Notuan në Senë, disa atletë shfaqin probleme me shëndetin në Lojërat Olimpike

Rezultatet e para të notit në lumin Seine kanë filluar të shihen nga atletet femra pas triatlonit që u zhvillua më 1 gusht, teksa notarja belge Claire Michel pati probleme gastrointestinale.

Si rezultat, Belgjika u tërhoq nga stafeta e triatlonit të përzier të hënën dhe Zvicra u detyrua të riorganizonte listën e saj pasi atletët e tjerë gjithashtu u sëmurën pas triatlonit javën e kaluar.

Sipas njoftimit të Komitetit Olimpik Kombëtar të Belgjikës, atletët nuk do të nisin nesër stafetën e përzier në Lojërat Olimpike në Paris. Ky vendim është marrë në konsultim me sportistët dhe shoqëruesit e tyre.

“Anëtarja e stafetës Claire Michelle është fatkeqësisht e sëmurë dhe duhet të tërhiqet nga gara”, thuhej në njoftim.

Për kujtesë, Michelle përfundoi e 38-ta në triathlon për femra të mërkurën.

Ndërkohë skuadrës zvicerane iu desh të zëvendësonte Adrien Briffond, i cili u detyrua të tërhiqej për shkak të një infeksioni gastrointestinal. Ai do të zëvendësohet nga Simon Westermann. /vizionplus.tv